اسلام آباد۔22 جولائی (اے پی پی)وزیر اعظم محمد شہباز شریف سیف سٹی، کیپٹل کمانڈ اینڈ کنٹرول سینٹر دا دورہ کیتا اتے سیف سٹی منصوبہ دے تحت پولیس سٹیشن آن وہیلز منصوبے دا افتتاح کیتا۔ ایں دورے اچ وفاقی وزیر داخلہ محسن نقوی، وفاقی وزیر اطلاعات و نشریات عطاء اﷲ تارڑ اتے وزیر مملکت برائے داخلہ طلال چوہدری وی وزیر اعظم دے نال ہن۔ آئی جی پولیس اسلام آباد علی ناصر رضوی وزیر اعظم کوں منصوبے تے بریفنگ ݙ??ی۔ انہاں ݙسیا جو پولیس سٹیشن آن وہیلز دا مقصد 60 سال توں ودھ عمر دے لوکاں کوں ڈرائیونگ لائسنس دے اجراء دے علاوہ عوام کوں ایف آئی آر اتے بیاں سہولتاں ݙیوݨ اے۔ بریفنگ اچ ݙسیا ڳیا جو سیف سٹی سرویلنس سسٹم دے تحت اسلام آباد اچ کل 3257 کیمرے نصب ہن، انہاں کیمریاں دے ذریعے اسلام آباد اچ مختلف تقریبات، محرم الحرام اتے سیلاب جھیں خصوصی واقعات دی سکیورٹی کیتے نگرانی کیتی ویندی اے، موثر نگرانی کیتے اے آئی اتے فیشل ریکگنیشن جھئ??ں جدید ٹیکنالوجی استعمال کیتی ویندی پئی اے۔ وزیر اعظم دورے اچ پولیس آپریشن سینٹر، آن لائن ویمن پولیس سٹیشن، ٹیکسی ویری فیکیشن سسٹم اتے ہنچ لیب دے مراکز دا وی دورہ کیتا۔ وزیر اعظم ہائی پروفائل مقدمات تے کم کرݨ آلے سیف سٹی دے باصلاحیت نینگراں کوں لیپ ٹاپ وی ونݙیے۔ وزیر اعظم سیف سٹی اچ کم کرݨ آلے اہلکاراں نال گالھ مہاڑ کیتی اتے انہاں دی پذیرائی کی??ی۔ دورے اچ وزیر اعظم کوں سیف سٹی ولوں پولیس سٹیشن آن وہیلز دا پہلا ڈرائیونگ لائسنس اعزازی طور تے پیش کیتا ڳیا۔ وزیر اعظم کوں پولیس سٹیشن آن وہیلز دے تحت درج کیتی ڳئی پہلی ایف آئی آر ݙکھائی ڳئی۔
