اسلام آباد۔28 جولائی (اے پی پی) نیشنل ڈیزاسٹر مینجمنٹ اتھارٹی دے نیشنل ایمرجنسیز آپریشن سینٹر 28 توں 31 جولائی تئیں ملک دے ودھ توں ودھ علاقیاں ا?? ممکنہ موسمی صورتحال پاروں الرٹ جاری کر ݙتے۔ ترجمان این ڈی ایم اے موجب پنجاب، خیبرپختونخوا، گلگت بلتستان اتے آزاد کشمیر اچ شدید بارشاں پاروں سیلاب اتے لینڈ سلائیڈنگ دا خطرہ اے، متعلقہ اداریاں کوں ہنگامی صورتحال نال نبڑݨ کیتے ویلھے تے اقدامات دی ہدایت کیتی ڳئی اے۔ پنجاب دے ضلعے سرگودھا، حافظ آباد، گوجرانوالہ، گجرات، سیالکوٹ، فیصل آباد، لاہور اتے نارووال اچ شدید بارشاں دی توقع اے۔ جنوبی پنجاب دے ضلعے ڈیرہ غازی خان، راجن پور اتے رحیم یار خان اچ درمیانے درجے دی بارشاں دے نال پہاڑی علاقیاں دے برساتی نالیاں ا?? تکھے بہاؤ دا امکان اے۔ پیر پنجال پہاڑی سلسلے توں نکلݨ آلے نالیاں ا?? پاݨی دے بہاؤ اچ درمیانے درجے دا ودھارا متوقع اے۔ خیبرپختونخوا دے ضلعے کوہستان، سوات، ملاکنڈ، دیر، بونیر اتے ملحقہ ندی نالیاں اتے دریاواں ا?? طغیانی دا خطرہ اے۔ دریائے سوات، پنجکوڑہ، بارہ اتے کلپانی نالہ اچ پاݨی دی سطح بلند تھیوݨ نال دریائے کابل اچ نوشہرہ د?? مقام تے بہاؤ اچ ودھارا متوقع اے۔ چترال، بونی اتے ریشون اچ گلیشئرز دے پگھلݨ اتے ممکنہ بارشاں پاروں دریائے چترال دے بہاؤ اچ وادھا تھی سڳدے۔ گلگت، سکردو، ہنزہ، شگر، مظفرآباد، وادی نیلم اتے باغ اچ بارشاں پاروں لینڈ سلائیڈنگ اتے ندی نالیاں ا?? سیلاب دا خدشہ اے۔ مظفرآباد، باغ، پشاور، مردان، نوشہرہ اتے ایبٹ آباد دے شہری علاقیاں ا?? وی سیلابی صورتحال پیدا تھی سڳدی اے۔این ڈی ایم اے سارے متعلقہ اداریاں کوں ممکنہ صورتحال پاروں نظر پیشگی اقدامات دی ہدایت جاری کیتی اے۔ اداریاں کوں ہنگامی حالات نال نبڑݨ کیتے اہلکار، مشینری اتے ریسکیو ٹیماں تیار رکھݨ دی ہدایت ݙتی ڳئی اے۔ مقامی انتظامیہ اتے صوبائی ڈیزاسٹر مینجمنٹ اتھارٹیز کوں ہنگامی صورتحال نال نبڑݨ اتے بروقت اقدامات چاوݨ دی تاکید کیتی ڳئی اے۔ عوام توں اپیل کیتی ڳئی اے جو او موسم بارے پیشگی آگاہی، ممکنہ خطرات اتے احتیاطی تدابیر کیتے پاک این ڈی ایم اے ڈیزاسٹر الرٹ ایپ توں رہنمائی حاصل کرن۔ عوام توں درخواست اے جو او موسمی حالات پاروں احتیاط کرن اتے ہنگامی حالات اچ متعلقہ اداریاں دے نال تعاون کرن۔ اے الرٹ عوام دی حفاظت اتے ممکنہ نقصانات توں بچاؤ کیتے جاری کیتا ڳئے تاں جو بروقت اقدامات نال جانی تے مالی نقصان کوں گھٹ کیتا ونڄ سڳے ۔
