اسلام آباد۔3اگست (اے پی پی) اسپیکر قومی اسمبلی سردار ایاز صادق ایرانی صدر ڈاکٹر مسعود پزشکیان نال اسلام آباد وچ ملاقات کیتی۔ ملاقات دے دوران پاک-ایران پارلیمانی تعاون، خطے دی صورتحال اتے سانجھی دلچسپی دے امور تے ڳالھ مہاڑ تھئی۔ قومی اسمبلی سیکرٹریٹ ڈائریکٹوریٹ جنرل آف میڈیا دی طرفوں جاری بیان موجب ، اسپیکر قومی اسمبلی ایرانی صدر ڈاکٹر مسعود پزشکیان دے دورہ پاکستان دا خیرمقدم کیتا اتے آکھیا ج?? پاکستان اتے ایران بھرپی ، تاریخ و ثقافت اتے ہمسائیگی دے لازوال رشتاں وچ ٻُجھے ہوئے ہن، پاکستان ایران د?? نال اپݨے تاریخی برادرانہ تعلقات کوں وݙی اہمیت ݙیندے، پاکستان، ایران دی خودمختاری و سالمیت دی مکمل حمایت کریندے۔ اسپیکر قومی اسمبلی ݙسیا جو صدر پزشکیان دا دورہ پاکستان ݙو طرفہ تعلقات کوں وسعت ݙیوݨ وچ اہم ثابت تھیسی۔اسپیکر قومی اسمبلی پارلیمانی و م??اش?? رابطے کوں وسعت ݙیوݨ تے زور ݙتا اتے آپریشن “بنیان مرصوص” تے ایران دی حمایت تے اظہار تشکر کیتا۔ انہاں آکھیا جو ݙوہائیں ملکاں دے اعلیٰ سطحی رابطے علاقائی استحکام کیتے چنڳی ڳالھ ہن، مشرق وسطیٰ وچ پائیدار امن خطے دی خوشحالی کیتے ضروری اے، ایران تے اسرائیلی حملہ عالمی قوانین دی ک??لی خلاف ورزی اے۔ ݙوہائیں رہنماواں ݙو طرفہ پارلیمانی و اقتصادی رابطیں کوں ودھاوݨ تے اتفاق کیتا۔ایرانی صدر ڈاکٹر مسعود پزشکیان پاکستان آوݨ تے دلوں استقبال اتے میزبانی تے حکومت پاکستان اتے عوام دا شکریہ ادا کیتا۔ ایرانی صدر آکھیا ج?? پاکستان وچ جیڑھا پیار اتے خلوص ملئے او ہمیشہ یاد رہسی، پاکستان اوکھے ویلھے ساتھ ݙے تے بھرپی دی بہترین مثال قائم کیتی اے، پاکستان دے واضح موقف ایرانی قوم دا دل جت ڳھدن۔ ایرانی صدر اسرائیلی جارحیت دے دوران پاکستان دی طرفوں حمایت تے اظہار تشکر کیتا اتے آکھیا جو ایران پاکستان دی حمایت کوں کݙاہیں نہ بھلسی، ایران اتے پاکستان وچال تکڑے برادرانہ تعلقات ہن۔ ممبر قومی اسمبلی سید نوید قمر وی ایں موقع تے موجود ہن۔
