اسلام آباد۔19مئی(اے پی پی):پاکستان تے جمہوریہ آئرلینڈ وچال ݙو طرفہ سیاسی مشاورت دا چوتھا اجلاس اسلام آباد اچ تھیا جیں اچ فریقین ݙو طرفہ تعلقات دے سارے پہلواں دا جائزہ ڳھدا ۔ دفتر خارجہ دی ترجمان موجب پاکستانی وفد دی قیادت ایڈیشنل سیکرٹری خارجہ (یورپ) محمد سلیم کیتی جݙاں جو آئرش وفد دی قیادت ڈپٹی سیکرٹری جنرل برائے خارجہ امور سونجا ہیلینڈ کیتی ۔ پاکستان اچ آئرلینڈ دی سفیر سونیا میک گینس جیڑھی جو انقرہ اچ رہندیاں پئن وی آئرش وفد دا حصہ ہن ۔ بیان موجب فریقین ڳالھ مہاڑ اچ ݙو طرفہ تعلقات دے سارے پہلواں دا جائزہ ڳھدا ڳئے ۔ ایڈیشنل سیکرٹری آئرلینڈ نال تجارت، تعلیمی تبادلے، ثقافت، کھیݙ، سائنس اتے ٹیکنالوجی، ویزا نظا?? اچ ہم آہنگی اتے ٻئے شعبیں اچ پاکستان دے تعلقات کوں مزید وسعت ݙیوݨ دے عزم تے زور ??تا ۔ ایڈیشنل سیکرٹری خارجہ اسلام آباد اچ آپݨا سفارت خانہ کھولݨ دے آئرلینڈ دے فیصلے دا خیرمقدم کریندے ہوئیں ایں ڳالھ تے زور ??تا جو پاکستان تے آئرلینڈ دے تعلقات اچ ھک اہم سنگ میل ثابت تھیسی۔ اسلام آباد اچ آئرش سفارت خانہ اتے ڈبلن اچ پاکستانی سفارت خانہ ݙو طرفہ تعلقات ودھاوݨ تے عوام نال عوام دے رابطے کوں ودھارا ݙیوݨ خاص طور تے پاکستانی تاجراں تے طلباءکوں سہولت ݙیوݨ اچ اہم کردار ادا کریندن ، انہاں اہم امور تے ہم آہنگی اتے کثیر الجہتی فورمز تے تعاون جاری رکھݨ تے اتفاق ک??تے ۔ پاکستان تے جمہوریہ آئرلینڈ وچال مشاورت دا اڳلا دور 2024 ??چ ڈبلن اچ تھیسی ۔
