اسلام آباد ۔ 27 اکتوبر (اے پی پی) وزیراعظم دے مشیر برائے موسمیاتی تبدیلی ملک امین اسلم آکھیے جو پاکستان تحریک انصاف دی حکومت دے اہم صاف و سرسبز پروگرام دے تحت کلین اینڈ گرین پاکستان انڈیکس پورے ملک اچ شروع تھیندا پئے،جیندی رونمائی وزیر اعظم عمران خان 30 اکتوبر ( بدھ ) کوں اسلام آباد اچ کریسن۔انہاں آکھیا جو تقریب اچ وفاقی و صوبائی وزراءاتے اعلیٰ سطح انتظامیہ دے نمائندے، مختلف ممالک دے سفیر،استاد، طلبہ ، مقامی اتے بین الاقوامی غیر سرکاری تنظیماں دے نمائندے شرکت کریسن۔انہان آکھیا جو پاکستان کون سرسبز،صاف بنڑاونڑ دے پروگرام دے تحت سارے منصوبیاں دی نگرانی براہ راست وزیر اعظم کریندے پین،کلین اینڈ گرین انڈیکس دا مقصد ملک دے مختلف شہراں دے عوام کوں صاف پانی، صفائی ستھرائی، کوڑا کرکٹ دی ماحول دوست طریقے نال انتظام کاری، حفظان صحت دی بہتر سہولیات اتے شہراں اچ شجرکاری دے مقابلے کراونڑاے۔
