کراچی ۔9اگست(اے پی پی) وزیراعظم محمد شہبازشریف آکھیے پاکستان اچ زرعی برآمدات اچ ودھارے دے ٻہوں موقع موجود ہن ، جدید ٹیکنالوجی اتے تحقیق و ترقی دے ذریعے برآمدات اچ ودھارا ممکن اے ،حکومت پاکستان کاشتکاراں تے برآمد کنندگان کوں سہولتاں ݙیوݨ سانڳے پرعزم اے ، وفاق اتے صوبیں کوں رل تے زرعی شعبے دی ترقی تے توجہ ݙیوݨی اے ، آندے سال کیتے زرعی برآمدات دا ہدف 7 ارب ڈالر ہووݨا چاہیدے ہر سال ھک ہزار گریجویٹس کوں زرعی تربیت سانڳے چین بھجوایا ویسی ،ارشد ندیم اولمپکس اچ طلائی تمغہ جت تے ملک دا ناں اُچا کرݙتے، وطن واپسی تے انہاں دا شاندار استقبال کیتا ویسی ۔
اے ڳالھ انہاں ݙوجھی بین الاقوامی فوڈ اینڈ ایگریکلچر نمائش دی افتتاحی تقریب توں خطاب اچ آکھی اے ۔ تقریب اچ گورنر سندھ کامران خان ٹیسوری، وزیراعلیٰ سندھ سید مراد علی شاہ ،وفاقی وزیر تجارت جام کمال خان ،وفاقی وزیر خزانہ محمد اورنگزیب، وفاقی وزیر صنعت وپیداوار رانا تنویر حسین، وفاقی وزیر مواصلات عبدالعلیم خان،وفاقی وزیر اطلاعات ?? نشریات عطاء اللہ تارڑ، وفاقی وزیر جہازرانی و بندرگاہیں قیصر احمد شیخ اتے وفاقی وزیر تعلیم و پیشہ وارانہ تربیت خالد مقبول صدیقی موجود ہن۔ وزیراعظم تقریب توں خطاب دے شروع اچ ارشدندیم کوں مبارخ ݙیندے آکھیے اساں آپݨے ہیرو ارشد ندیم کوں اولمپکس اچ گولڈ میڈل جتݨ تے مبارک ݙیندوں ، 40 سال بعد پاکستان طلائی تمغہ ڳھدے اے ھک اہم لمحہ تے وݙا اعزاز اے،ارشد ندیم طلائی تمغہ گھن تے پاکستان سانڳے تاریخی کارنامہ سرانجام ݙتےاتے ملک ماݨ ودھائے۔ اساکوں ہݨ کرکٹ اتے ہاکی سودھے ٻئے کھیݙاں اچ وی کامیاب تھیوݨے ، ارشد ندیم دی کامیابی تےاللہ تعالی دا شکر ادا کریندوں ۔انھاں دی کامیابی توں اساکوں ھک امید تے حوصلہ ملیے، زندگی وچ چیلنج ہن جے ہمت کروں تاں کجھ وی ناممکن کائنی ۔ ارشد ندیم دا پاکستان آوݨ تے شاندار استقبال کیتا ویسی ۔ وزیراعظم اپݨے خطاب اچ آکھیے پاکستان دی زرعی مصنوعات دی برآمدات 3 ارب ڈالر تئیں پڄ ڳئن ، آندے سال سانڳے زرعی برآمدات دا ہدف 7 ارب ڈالر ہووݨا چاہیدے ، پاکستان اچ ٻہوں صلاحیت اے ، برآمدات دے ودھارے تے برآمد کنندگان اتے متعل??ہ حکام کوں مبارخ ݙینداں اساکوں فی ایکڑ پیداوار ودھاوݨ یقیننی بݨاوݨا اے ایں سانڳے جدید ٹیکنالوجی اتے طریقیں کوں اختیار کرݨ دی لوڑھ اے ،وفاق تے صوبیں کوں رل تے زرعی شعبے دی ترقی تے توجہ ݙیوݨی چاہیدی اے ،زرعی ماہرین دی خدمات توں زرعی پیداوار ودھائی ونڄ سڳدی اے ،ریسرچ تے ڈویلپمنٹ تے توجہ ݙیوݨ سانڳے کم کرݨا ہوسی ،جدید ٹیکنالوجی تے تحقیق دے ذریعے برآمدات ??دھاوݨ ممکن اے ، پاکستان اچ زرعی برآمدات ??دھاوݨ دے ٻہوں موقع موجود ہن ۔ اساکوں زرعی مصنوعات دی ویلیو ایڈیشن آلے پاسے ونڄݨا ہوسی۔
وزیراعظم آکھیے چھوٹے تے درمیانے درجے دیاں صنعتاں سانڳے دیہاتی علاقیں اچ قرضہ ݙیوݨ کوں ودھاوݨ دی لوڑھ اے ، ساݙے دیہاتی علاقے ترقی کریسن تاں ایندے نال ملک ترقی کریسی ، جدید ٹیکنالوجی تحقیق و ترقی دے ذریعے برآمدات اچ ودھارا ممکن اے،چین زرعی شعبے اچ جدید ٹیکنالوجی استعمال کرتے ترقی دیاں منزلاں طے کیتن ۔حکومت پاکستان برآمد کنندگان اتے کاشتکاراں کوں ہر طرح دا تعاون ݙیوݨ سانڳے تیار اے ، دیہاتی علاقیں اچ کساناں کوں قرضے ݙیوݨ نال پیداوار اچ ودھارا تھیسی ۔وزیراعظم آکھیے دورہ چین تے میں جدید ترین مر??ز دا دورہ کیتا، جتھاں جدید ٹیکنالوجی دے ذریعے ہی ترقی کوں یقینی بݨایا ڳئے ۔ موجودہ حکومت زرعی شعبے دی ترقی ، برآمدات ??دھاوݨ سانڳے چنڳے اقدامات کریندی پئی اے ، بلوچستان اچ 28 ہزار ٹیوب ویلاں کوں شمسی توانائی تے منتقل کرݨ دی مںظوری ݙتی ، وفاقی حکومت ھک ہزار طالبیں کوں جدید زرعی تربیت سانڳے چین بھڄیسی ، حکومت پاکستان کاشتکاراں تے برآمدکنندگان کوں سہولتاں ݙیوݨ سانڳے پرعزم اے ، افزائش حیوانات دے شعبے اچ وی چین اتے پاکستان وچال تعاون دے وݙے موقع ہن۔ انہاں آکھیے پاکستان دے سعودی عرب، یو اے ای، قطر ، کویت اتے ترکیہ نال وکھرے تعلقات ان،خلیجی ملکاں نال نہ صرف برآمدات ??عدنیات تے ٻئے شعبیں اچ تعاون ودھا سڳدوں تے مشترکہ زرعی منصوبے شروع کیتے ونڄ سڳدن جے اساں محنت کوں شعار بݨاؤں تاں ہر اوکھ سوکھی تھی سڳدی اے ۔ بعد اچ وزیراعظم ݙوجھی بین الاقوامی فوڈ اینڈ ایگریکلچر نمائش دا افتتاح کیتا اتے سٹال ݙٹھے ،وزیراعظم کوں سٹالز با??ے بریفنگ ݙتی ڳئی ، انھاں دنیا دے مختلف ملکاں توں آئے مندوبین نال ملاقات کیتی تے انہاں نال ڳالھ مہاڑ وی کیتی ۔
وزیراعظم زرعی شعبے اچ بہترین کارکردگی تے برآمد کنندگان کوں ایوارڈز وی ݙتن ۔تقریب توں وفاقی وزیر تجارت جام کمال خان تے ٹریڈ ڈویلپمنٹ اتھارٹی آف چیئرمین دے چیف ایگزیکٹو زبیر موتی والا وی خطاب کیتا
.jpg)
