مہمند ۔29اگست (اے پی پی):وزیراعظم محمد شہباز شریف مہمند ڈیم کوں سیلاب توں ضیان دی تحقیقات دا حکم ݙیندے ہوئیں آکھیے جو منصوبے تے کم مقررہ ویلھے اچ پورا تھیوݨا چاہیدے ، نیلم جہلم اچ وی کجھ مہینے پہلے حادثہ تھئے ، اڳوں اینکوں روکݨا ہوسی، ساݙی معیشت مہانگی بجلی بݨاوݨ دی متحمل نی تھی سڳدی ، ایندھن دی درآمد تے سالانہ ارباں ڈالر خرچ کرتے سبسڈی ݙیوݨ نال خزانے تے ٻوجھ پوندے ، پاݨی ، ہوا اتے سجھ دی روشنی توں سستی بجلی بݨاوݨی ہوسی ، ایں موقع تے وزیر پارلیمانی امور مرتضیٰ جاوید عباسی، وفاقی وزیر اطلاعات و نشریات مریم اورنگزیب، وزیراعظم دے معاون خصوصی انجینئر امیر مقام اتے جمعیت علماء اسلام (ف) دے رہنما مولانا عطاء الرحمن وی موجود ہن۔ اے ڳالھ انہاں مہمند ڈیم منصوبے دی جاہ دا دورہ کریندے ہوئیں آکھی اے ۔ انہاں آکھیے جو مہمند ڈیم چینی اتے پاکستانی کمپنیاں رل تے بݨیندیاں پئن ، تے اے اہم منصوبہ اے، ایں توں 800 میگاواٹ بجلی بݨسی، آبپاشی کیتے پاݨی دستیاب تھی سڳسی تے سیلاب کوں روکݨ اچ مدد مل ویسی ، سیلاب توں ڈیم دے بنیادی ڈھانچہ تے ٹنلز کوں ضیان تشویش دی ڳالھ اے جیں دی تحقیقات کرائی ویسی جو ایویں کیوں تھئے ، موجودہ دور اچ ڈیماں دی اہمیت توں انکار نی کیتا ونڄ سڳدا ، دنیا اچ جتھاں وی ڈیم تعمیر کیتے ویندن اتھاں حفاظتی انتظامات وی کیتے ویندن ، کجھ مہینے پہلے نیلم جہلم اچ ھک وݙا حادثہ تھئے، ایندی شفاف تحقیقات دا حکم ݙتا ہئی ، آزادانہ کنسلٹنٹس توں ایندی تحقیقات کرائیاں ویسن تاں جو اڳوں ایجھے واقعات کوں روکیا ونڄ سڳے ۔ وزیراعظم آکھیے جو پاکستان درآمدی ایندھن تے ارباں ڈالر سالانہ خرچ کریندے تے مہانگی بجلی بݨا تے صارفین کوں سستی بجلی ݙیوݨ نال خزانے تے ٻوجھ پمدے، اساکوں ہوا، سجھ دی روشنی اتے پن بجلی دی پیداوار ودھاوݨی ہوسی کیوں جو اے ساݙا مستقبل ہے، بجلی دی پیداوار دا سستا ذریعہ ہائیڈل پاور اے، ساݙی معیشت مہانگی بجلی بݨاوݨ دی متحمل نی تھی سڳدی ۔ وزیراعظم آکھیے جو چینی کمپنی ایں منصوبہ تے کم کریندی پئی اے تے چین پاکستان دا بہترین دوست اے، م??صوبے کوں توڑ پجاوݨ کیتے ݙ??نھ رات کم کیتا ونجے تے اینکوں مقررہ ویلھے اچ مکمل تھیوݨا چاہیدے، اے منصوبہ ساݙی معاشی اتے قومی ترقی و خوشحالی کیتے اہمیت رکھیندے، سستی بجلی توں زراعت، صنعتاں اتے عوام دی لوڑھ پوری تھیسی تے معیشت کوں استحکام مل ویسی ، ایں توں پہلے چیئرمین واپڈا لیفٹیننٹ جنرل (ر) سجاد غنی اتے چینی تعمیراتی کمپنی دے نمائندیں وزیراعظم کوں مہمند ڈیم منصوبہ تے پیشرفت اتے سیلاب توں تھیوݨ آلے ضیان متعلق بریفنگ ݙتی۔ وزیراعظم کوں ݙسایا ڳیا جو اے منصوبہ دریائے سوات تے تعمیر کیتا ویندا پئے ایں توں 800 میگاواٹ بجلی بݨسی اتے 18 ہزار ایکڑ توں ودھ زمین کوں پاݨی ملسی ڈیم دی تعمیر نال سیلاب روکݨ اچ مدد ملسی ، سیلاب توں تھیوݨ آلے ضیان دی بحالی دا کم وختی مکمل کیتا ویسی جݙاں جو سیکرٹری آبی وسائل کاظم نیاز نیلم جہلم ہائیڈل پاور پراجیکٹ اچ پیش آوݨ آلے حادثہ دی انٹرنیشنل کنسلٹنٹس توں شفاف تحقیقات کرائے ونڄݨ متعلق تھیوݨ آلی پیشرفت دا ݙسائے ۔ وزیراعظم مہمند ڈیم دی سائٹ دا معائنہ کیتے اتے سیکرٹری آبی وسائل تے چیئرمین واپڈا توں تعمیراتی کم بارے پچھیے۔
.jpg)
.jpg)
.jpg)
