اسلام آباد – 08 سيپٽمبر (اي پي پي) گڏيل قوم?? جو سيڪريٽري جنرل انتونيو گوتريس تباهي آڻيندڙ ٻوڏ سبب متاثر پاڪستان سان يڪجهتي جي اظهار لاءِ اڄ جمعي کان پاڪستا?? جو دورو ڪندو. پرڏيهي آفيس جي ترجمان پاران جاري بيان موجب گڏيل قومن جي سيڪريٽري جنرل 9 کان 10 سيپٽمبر تائين پاڪستا?? جو دورو ڪندو جنه?? جو مقصد سڄي ملڪ ۾ شديد برساتن ۽ ٻوڏ سبب ٿيندڙ تباهي ۽ قدرتي آفت جو مقابلو ڪندڙ پاڪستان جي حڪومت ۽ عوام سان يڪجهتي جو اظهار ڪرڻو آهي، گڏيل قومن جي سيڪريٽري جنرل انتونيو گوتريس دوري دوران پاڪستاني قيادت ۽ اعليٰ عملدارن سان ملاقاتون ڪندو جنهن ۾ هو موسمياتي تبديلي سبب ٿيندڙ تباهي جي قومي ۽ عالمي رد عمل تي خيالن جي ڏي وٺ ڪندو، سيڪريٽري جنرل موسمياتي تباهي سبب سڀ کان وڌيڪ متاثر ٿيندڙ علائق?? جو دورو به ڪندو جتي هو بي گهر خاندانن ۽ متاثر علائقن ۾ شروعاتي بچاءُ ۽ امدادي ڪارروايون ڪندڙن سان ڳالهه ٻولهه ڪندو، ترجمان موجب گڏيل قوم?? جو سيڪريٽري جنرل لکين متاثر ماڻهن لاءِ حڪومت جي بچاءُ ۽ امدادي ڪوششن جي حمايت ۾ گڏيل قومن جي انساني امدادي ڪم جي نگراني ڪندو. گڏيل قومن جي سيڪريٽري جنرل جو دورو ان قدرتي آفت جي نتيجي ۾ ٿيندڙ جاني نقصان ۽ وڏي پئماني تي ٿيندڙ تباهي جي باري ۾ عالمي بيداري کي وڌيڪ هٿي وٺرائيندو. گڏيل قومن جي سيڪريٽري جنرل جو اهو دورو 33 ملين متاثر پاڪستانين جي انساني ۽ ٻين ضرورتن لاءِ هم آهنگ ۽ جامع عالمي رد عمل کي وڌائڻ ۾ مددگار ثابت ٿيندو. گڏيل قومن جي سيڪريٽري جنرل پ??ڪستان جي فلڊ ريسپانس پلان جي فنڊنگ لاءِ 160 ملين آمريڪي ڊالرن جي گڏيل قومن جي ”فليش اپيل“ جي 30 آگسٽ تي اسلام آباد ۽ جنيوا ۾ هڪ ئي وقت منعقد ٿيندڙ لانچنگ تقريب ۾ هڪ طاقتور وڊيو پيغام ۾ فعال طور تي حمايت ڪئي، گڏيل قومن جي سيڪريٽري جنرل مسلسل اهڙي طرح جي آفتن کي موسمياتي تبديلي جي اثرن سا?? جوڙڻ تي زور ڏيندو رهيو آهي ۽ هو عالمي برادري کي خبردار ڪندو رهيو آهي ته جيڪڏهن موسمياتي تبديلين کي وقت سر ۽ موثر طريقي سان حل نه ڪيو ويو ته ان سان اسان جا سيارا سنگين خطرن جي ور چڙهيل هوندا، گڏيل قومن جي سيڪريٽري جنرل جو پاڪستا?? جو دورو ٻوڏ متاثر علائقن جي بحالي ۽ نئين سر تعمير جي مرحلي ۽ مستقبل ۾ موسمياتي تبديلين کي منهن ڏيڻ لاءِ پاڪستان جي پائيدار عالمي حمايت جي اهميت کي به اجاگر ڪندو.
.jpg)
.jpg)
